فى مراجعة النهاردة هنوضح مزايا و عيوب الهاتف و تجربة استخدامنا له.
مواصفات Infinix Hot 8 :-
- أبعاد الهاتف 165×76.3×8.7 ملم.
- وزن الهاتف 179 جرام.
- تأتي شاشة الهاتف IPS LCD بقياس 6.6 بوصة و دقة HD+ بجودة 720*1600 بيكسل مع كثافة بيكسلات 269 بيكسل لكل بوصة.
- معالج الهاتف هو Mediatek MT6762 Helio P22 مع معالج رسوميات PowerVR GE8320.
- يأتي الهاتف بنظام تشغيل اندرويد Pie 9.0 مع واجهة مستخدم Cheeta.
- الهاتف متوفر باصدار ذاكرة داخلية 64 جيجا بايت مع 4 جيجا بايت رام ذاكرة عشوائية.
- كاميرا الهاتف الخلفية تأتي ثلاثية بجودة 13 ميجا بيكسل مع فتحة عدسة f/1.8 و الثانية بجودة 2 ميجا بيكسل مع فتحة عدسة f/2.0 فلاش رباعى LED و تصوير فيديو بجودة 1080 بيكسل مع 30 لقطة في الثانية.
- كاميرا السيلفي تأتي بجودة 8 مع فتحة عدسة F/1.8 و تصوير فيديو بجودة 1080 بيكسل مع 30 لقطة في الثانية مع فلاش LED.
- بطارية الهاتف تأتي بسعة 5000 مللي أمبير.
- يدعم الهاتف تشغيل الراديو FM.
- متوفر بالهاتف دعم شبكات الجيل الثاني والثالث والرابع عن طريق شريحتين اتصال من نوع nano.
- الهاتف متاح في الأسواق بألوان الرمادي و الأسود و البنفسجي و الأخضر.
مميزات انفنكس هوت 8 :-
- يدعم منفذ منفصل لكارت الذاكرة الخارجي عن شريحتين الاتصال.
- بطارية عملاقة 5000 مللي أمبير.
- شاشة بحجم كبير مع نوتش صغير و يمكنك الغائه من الاعدادات.
- أداء معالج الهاتف جيد جدا فى المهام اليومية بالنسبة للفئة السعرية المنخفضة.
- وجود جراب و سماعة الأذن و اسكرينة للحماية فى صندوق الهاتف.
عيوب Infinix Hot 8 :-
- الحواف حول الشاشة كبيرة بعض الشئ.
- لا يوجد لمبة اشعارات.
- زمن شحن البطارية طويل شوية.
- تجربة الكاميرات ليست الأفضل.
التصميم :-
الهاتف
مصنوع من من البولي كربونيت أو البلاستيك و المميز هنا هو النقوش الي في
الظهر أو التدرج من اللون الأزرق حتى اللون الأسود مع طبقة طلاء لامعة فوق
الظهر و اللى هتقلل من فكرة ان الموبايل يتخربش بسهولة.فى العموم التصميم جميل ومختلف من انفنكس ويشبه لحد كبير Infinix S4 وبالرغم من ان بطارية الهاتف كبيرة والشاشة كبيرة إلا ان وزن الموبايل معداش الـ 180 جرام وديه حاجة تُحسب لصالح الهاتف و يعتبر وزنه مقبول جدا وممكن يكون كبير في الايد وده طبيعي لان الشاشة كبيرة وهيبقي صعب تستخدمه بايد واحدة لو ايديك صغيرة.
وعلشان قصة البلاستيك والخراابيش والكلام ده, في العلبة جراب شفاف كدا عليه نقشات جميلة و مختلفة حتى في ملمسه و هو نفس الجراب الي كان مع انفنكس سمارت 3 بلس واللي عجب ناس كتير منكم و بكده شركة انفنكس بتشوف ايه الي بيعجب الناس وبتكرره تاني وتالت و دى حاجة تُحسب ليهم.
تحتوي الواجهة الأمامية للهاتف علي شاشة بدقة 6.6 بوصة أعلاها نجد نوتش Drop water بداخلها الكاميرا الأمامية بجودة 8 ميجا بيكسل مع سماعة المكالمات و مستشعر القرب.
علي الجانب الأيمن للهاتف نجد زر التشغيل لفتح وغلق الهاتف و أزرار التحكم في الصوت.
علي الجانب الأيسر للهاتف نجد منفذ دخول شريحتين الاتصال و كارت ذاكرة خارجي.
أسفل الهاتف نجد ميكروفون المكالمات و السماعة الخارجية و منفذ كابل الشحن و ظهر الهاتف يحتوي على الكاميرا الخلفية الثلاثية فى اطار يجمع بينهم أعلى يسار ظهر الهاتف بجودة 13+2 ميجا بيكسل و كاميرا QVGA مع فلاش رباعى LED و مستشعر بصمة الاصبع فى منتصف ظهر الهاتف و أسفله شعار الشركة Infinix.
الهاتف متوفر في الأسواق بألوان الرمادي و الأسود و الأخضر و البنفسجي.
الشاشة و الصوت :-
شاشة
هاتف انفنكس هوت 8 تأتي من نوع IPS LCD بقياس 6.6 بوصة تعرض 16 مليون لون
بدقة HD+ بجودة 720*1600 بيكسل مع كثافة بيكسلات 269 بيكسل لكل بوصة بأبعاد
20:9.الشاشة أدائها مقبول فى اطار الفئة السعرية اللى بنتكلم فيها و لأنها HD+ مش هتاخد منها حدة تفاصيل و هيبقي فيه بكسلة بسيطة فى حالة الألعاب و لكن مش هتحس بيها لو انت مركزتش.
الحواف حول الشاشة كبيرة بعض الشئ و كان ممكن تبقي أقل من كده.
مفيش طبقة حماية على الشاشة بس شركة Infinix حطت اسكرينة للحماية موجودة فى علبة الهاتف.
أما بالنسبة لصوت الهاتف :-
صوت الهاتف من سماعة واحدة صوتها عالي جدا بس النقاء ضعيف … أما بالنسبة لصوت سماعات المكالمات عالي وممتاز و أخيرا صوت سماعات الأذن متوسط مش عالي ومش مجسم.
الأداء :-
لو
رجعنا فلاش باك شركة انفنكس من كام شهر نزلت موبايل اسمه Infinix S4 كان
نازل بمعالج Mediatek Helio P22 مع واجهة جديدة من انفنكس اسمها شيتا ,
الميكس ده كان بيقدم أداء كويس جدا لكن مكنش أفضل حاجة بالسعر بتاعها وقتها
3000 جنية ولما عملنا مراجعة وقتها وقولنا على الأداء ليس الأفضل في الفئة
السعرية ديه .. لأن وجه نظرنا ان الميكس ده مكانه في موبايل اقتصادي أولى.المفاجأة إن Infinix استخدمت نفس المعالج والواجهة في Infinix Hot 8 و بالتالى قدم نفس أداء Infinix S4 والي قولنا عليه انه مقبول جدا في الفئة الاقتصادية و نحب نأكد إن أداء الموبايل كويس جدا مفيهوش اي مشاكل و اصلا معظم المنافسين في الفئة السعرية 2000 جنيه بيستخدموا نفس المعالج Mediatek MT6762 Helio P22 و هو ثماني النواة يعمل بقوة تردد 2.0 جيجا هرتز و تكنولوجيا 12 نانوميتير.
الهاتف سجل 92 الف نقطة فى اختبار Antutu ممكن تحس بتهنيجات بسيطة على فترات متباعدة أما بالنسبة للتنقل بين التطبيقات في الواجهة هنا سلس جدا وكمان الـ 4 جيجا رام بيخلوا عدد البرامج المفتوحة في الخلفية يبقا أكثر بالرغم.
واخيرا الأداء الرسومي مع معالج رسوميات و جرافيك PowerVR GE8320 بالنسبة للعبة PUBG اشتغلت على Medium جرافيك بدون أي مشاكل أما بالنسبة للعبة Call of duty اشتغلت على جرافيك low مع Medium frame rate واشتغلت بكل كفاءة من غير أي تهنيج .
الهاتف متوفر بإصدار واحد بذاكرة داخلية 64 جيجا بايت مع 4 جيجا بايت رام.
يمكنك زيادة المساحة الداخلية للهاتف عن طريق إضافة كارت ذاكرة خارجي يصل إلى 512 جيجا بايت في منفذ منفصل عن شريحتين الاتصال.
الكاميرات :-
انفنكس
هوت 8 بيجي بنفس كاميرات هاتف Infinix Smart 3 Plus حيث يأتي بكاميرا
خلفية ثلاثية الأولي بجودة 13 ميجا بيكسل مع فتحة عدسة f/1.8 و الثانية
بجودة 2 ميجا بيكسل للعزل و الثالثة QVGA علشان التصوير فى الاضاءة الخافتة
مع فلاش رباعى LED و تصوير فيديو بجودة 1080 بيكسل مع 30 لقطة في الثانية.والسيلفي بجودة 8 مع فتحة عدسة f/2.0 مع فلاش LED و دا اللى بينور لما الهاتف يشحن و تصوير فيديو بجودة 1080 بيكسل مع 30 اطار فى الثانية.
سوفت وير الكاميرا متوفر فيه Stickers جميلة لازم تجربها فى التصوير.
الهواتف الاقتصادية مش بتاخد منها أحسن صور و دى حاجة احنا عارفينها هنا فى هاتف في الانفنكس هوت 8 حسينا ان ال HDR ضعيف شوية و ال Dynamic range مش كويس اوي بس في النهاية الصورة مقبولة جدا لو الاضاءة كويسة انما في الاضاءة الضعيفة التفاصيل بتقل جدا .
ممكن تشوف صور متصورة بالموبايل في فيديو المراجعة في أخر المقالة .
البطارية :-
انفنكس
هوت 8 ببطارية ضخمة 5000 مللي أمبير مع الاستخدام الفعلى الهاتف بيكمل يوم
كامل من الاستخدام و بيصمد حوالى من 7 إلى 8 ساعات شاشة مفتوحة في اليوم و
دا وقت مقبول جدا و لكن كان ممكن يكون فيه أفضل من كده بس جايز علشان
المعالج مش موفر أوي وبتكنولوجيا 12 نانو لكن كنا متوقعين 10 ساعات شاشة
مفتوحة.بالنسبة لزمن الشحن فهو طويل جدا لأن منفذ الشحن Micro USB 2.0 والشاحن مش سريع وبالتالي الهاتف بيستهلك علشان يشحن من 10% لـ 100% بالظبط في 3 ساعات وربع و اخر 10% لوحدهم خدوا اكتر من ساعة فانصحك لو هتشتري الموبايل ده انسى اخر 10% دول انك تشحنهم أو اشحنهم مرة كل فترة كبيرة واعتمد انك تشحن الموبايل لحد 90% في وقت حوالي ساعتين علشان متضيعش وقت كبير ع الفاضي وتحافظ على بطاريتك.
الدعم و الاتصال :-
يدعم الهاتف شبكات اتصال الجيل الثاني والثالث والرابع عن طريق شريحتين اتصال من نوع نانوبالنسبة لتعامل الهاتف مع الشبكة تعتبر الجودة متوسطة يعنى مش أحسن حاجة ولا أسوأ حاجة مع التجربة لفترة ساعات كان بيفصل شبكة لوحده كدا في الأماكن الي شبكتها ضعيفة بس بيرجع تاني بسرعة.يدعم الهاتف Wi-Fi 802.11 a/b/g/n/ac dual band مع دعم خاصية Wi-Fi direct و امكانية انشاء Hotspot.
يدعم الهاتف بلوتوث الاصدار الخامس A2DP, LE.
يدعم الهاتف GPS مع خواص A-GPS GLONASS BDS ,GALILEO.
متوفر بالهاتف دعم مستشعرات القرب و السرعة و البوصلة و الضوء.
يدعم الهاتف تشغيل الراديو FM.
يدعم الهاتف مستشعر الجيروسكوب حيث استخدام نظارات الواقع الافتراضي و مشاهدة فيديوهات 360 درجة.
متوفر بالهاتف خاصية ال OTG لتوصيل فلاشة للهاتف و نقل البيانات من و إلى الهاتف.
نظام التشغيل و واجهة المستخدم :-
يتم اصدار هاتف بنظام تشغيل اندرويد pie 9.0 مع واجهة مستخدم شيتا.السوفت وير موجود فيه ابلكيشن Google files واللي بيخليك تقدر تنظم ملفاتك بكل سهولة و تمسح الملفات اللي مش مهمة وتمسح الملفات المكررة ويحددلك الملفات اللي حجمها كبير كل ده بتوصله بكل سهولة من خلال التطبيق ده وكمان تقدر تبعت ملفات كبيرة بسرعة حاجة كدا زي برنامج Share it.
للأسف مفيش فى الواجهة امكانية عمل نسختين من برامج التواصل الاجتماعى و كمان ساعات هتلاقي اعلانات بتظهر في قايمة الاشعارات وديه حاجة مزعجة.
بالنسبة للايماءات Gestures هنا السوفت وير الخام بتاع جوجل بيوفرلك تجربة استخدام وتحرك بين التطيبقات حلوة جدا يا ريت تجربها لو معاك موبايل انفنكس عليه واجهة شيتا.
وكمان في Game Mode موجود في الموبايل بيسرع ال Network وممكن عن طريقه تمنع أي رسائل تجيلك وانت بتلعب وكمان تكنسل ع أي حد يتصل علشان تركز ف الجيم وكمان بيقفل ظبط الشاشة الأتوماتيكي مؤقتا وانت بتلعب و الاضاءة بتكون عالية وكمان بيخلي القائمة بتاعة الايماءات علشان تدوس عليها لازم تدوس مرتين علشان متضايقكش وانت بتلعب.
الموبايل مش موجود فيه لمبة اشعارات و الفلاش بتاع السيلفي بينور بس لما بتيجي تشحن الموبايل لكن مش بينور في اشعارات البرامج لكن ايقونات اشعارات البرامج بتظهر فوق جمب النوتش وكمان تقدر تخلي الموبايل الشاشة تنور لما تيجي اشعارات.
عوامل حماية الأمان و الخصوصية :-
متوفر بالهاتف مستشعر بصمة الاصبع الموجود بظهر الهاتف و يقدم أداء جيد هو مش أسرع حاجة في الدنيا بس أدائها متوسط ولا هو سريع أوي ولا هو بطيء أوي و كانت بتعلق أحيانا لكن بعد ما وصل تحديث حوالى 300 ميجا الأداء بتاعها اتحسن جدا.وبالنسبة Face Unlock نفس الشئ الأداء متوسط في السرعة.
محتويات صندوق الهاتف :-
هاتف انفنكس هوت 8كُتيب التعليمات والتشغيل والضمان
الشاحن
كابل الشحن
دبوس معدني لفتح درج الشريحة
جراب جميل لحماية الهاتف
سماعات الرأس headphones
تقييم الهاتف :-
الهاتف ده انفينكس قدمته بدون فزلكة يعنى بيدعم تشغيل شبكات الجيل الرابع مع معالج ميدياتيك P22 اللي كل المنافسين بيستخدموه واللى انفنكس جربته في فئة سعرية أعلى مع بطارية ضخمة وشاشة كبيرة و مساحة كبيرة 64 جيجا وكمان 4 جيجا رام.مشكلة الهاتف دا هى الحواف اللى حول الشاشة كبيرة شوية و مفيش لمبة اشعارات برغم وجود فلاش للسيلفي كان أولى لمبة اشعارات بدلا من فلاش السيلفي اللى ملهوش لازمة أوى وكمان زمن الشحن الطويل واللي ممكن تتغاضى عنه بانك تشحن الموبايل لـ 90 % بس وتجربة الكاميرات مكنتش الأفضل في الفئة السعرية دي بس ما زالت مقبولة جدا.
الموبايل له منافس مباشر من شاومي نازل أول الشهر بسعر قريب جدا وهو Redmi 8 مع نفس المساحة والرام والمنافسة هتولع بينهم لأنهم بأداء قريب وكمان نفس البطارية الضخمة واللي هيرخص سعره بس 100 جنية كمان هيقدر يكمل فترة اطول في المبيعات الأكتر.
سعر الهاتف :-
2199 جنيه مصري للنسخة 64 جيجا بايت مع 4 جيجا رام.فيديو مراجعة الهاتف على اليوتيوب :-
إرسال تعليق